23.05.2015-Dövlət Sərhəd Xidmətinin Mətbuat Mərkəzinin Məlumatı

22.05.2015-ci il tarixdə Azərbaycan Respublikası Dövlət Sərhəd Xidmətinin Aparatında Dövlət Sərhəd Xidmətinin rəisi – Sərhəd Qoşunlarının Komandanı general-polkovnik Elçin Quliyev ölkəmizdə rəsmi səfərdə olan Əfqanıstan İslam Respublikası Prezidentinin MDB ölkələri üzrə səlahiyyətli nümayəndəsi cənab Mohammad Şaker Kargarın  başçılıq etdiyi nümayəndə heyətini qəbul etmişdir.

Görüş zamanı Azərbaycan Respublikası Dövlət Sərhəd Xidməti və Əfqanıstan İslam Respublikasının aidiyyəti qurumları arasında əlaqələrin inkişafı, o cümlədən beynəlxalq terrorçuluq, qeyri-leqal miqrasiya, narkotiklərin daşınması kimi cinayətlərlə mübarizə sahəsində əməkdaşlıq məsələlərinə toxunulmuşdur.

Tərəflər arasında sərhəd mühafizəsi və sərhəd nəzarəti məntəqələrinin fəaliyyəti sahəsində təcrübə mübadiləsi, əfqan hərbi qulluqçuları üçün tədrisin təşkili, müxtəlif ixtisas sahələri üzrə təlim və təkmilləşdirmə kurslarının həyata keçirilməsi, elecə də əfqan sərhədçilərinin Dövlət Sərhəd Xidmətinin tibb müəssisələrində müalicəsi və sağlamlıqlarının bərpası ilə bağlı müzakirələr aparılmışdır.

Görüş dostluq və qarşılıqlı anlaşma şəraitində keçmişdir.

    

                                          Dövlət Sərhəd Xidmətinin mətbuat mərkəzi

 

  • 80
  • 80
  • 80