+
-
07.01.2019
07.01.2019, 14:51- Dövlət Sərhəd Xidmətinin Mətbuat Mərkəzinin Məlumatı

Qazax və Ağstafa rayonları ərazisində düşmənlə təmas xəttində xidməti-döyüş fəaliyyətini həyata keçirən sərhəd döyüş məntəqələri istiqa­mətində Ermənistan Silahlı Qüvvələri tərəfindən atəşkəs re­ji­minin pozulması halları davam etməkdədir.

Yanvar ayının əvvəlindən hal-hazıradək Dövlət Sərhəd Xidmə­tinin Sərhəd Qoşunlarının “Qazax” sərhəd dəstəsinin sərhəd döyüş məntəqələri Ermənistan silahlı qüvvələrinin bölmələri tərəfindən 81 dəfə atəşə tutulmuşdur.

06 yanvar tarixində saat 15:35 radələrində Ermənistan Silahlı Qüvvələrinin bölmələrindən Qazax rayonu­nun Kə­mərli kəndi yaxınlı­ğındakı sərhəd döyüş məntəqəsinə doğru 7,62 mm çaplı “SVD” snay­per silahından açılmış atəş nəticəsində güllə dövlət sər­həd xəttindən 450 metr məsafədə mühəndis işləri aparan, mülki şəxs tərəfindən ida­rə olunan eksko­va­­torun çalo­vu­na dəymiş və kabinası­nın sağ şüşəsini sın­dır­mışdır.

Hadisə nəticəsində xəsarət alan olmamışdır.   

 

 

Dövlət Sərhəd Xidmətinin mətbuat mərkəzi 

f tw